Posts
“পিতৃ দিৱসৰ আঁৰৰ কথা :
=================
“পিতা স্বৰ্গ,
পিতা ধৰ্মঃ
পিতাহি পৰমং তপঃ।।"
কোৱা হয়, পিতা হেনো সাহসৰ প্ৰতীক, আশ্ৰয় আৰু নিৰাপত্তাৰ প্ৰতীক । তাৰ লগে-লগে পৰামৰ্শ দাতা তথা পথ প্ৰদৰ্শক । জন্মৰ পাছৰে পৰা শৈশৱৰ সুমধুৰ দিনকেইটাৰ দেওনা পাৰ কৰি কৈশোৰৰ সোণসেৰীয়া দিনবোৰক আগবঢ়াই যৌৱনত ভৰি দিয়ালৈকে সন্তানক নিৰাপত্তা, আৰু আশ্ৰয়ৰ ডেউকাৰ তলত ডাঙৰ কৰে 'দেউতা'ই । 'দেউতা'..........এটি যেন সুন্দৰ অনুভূতিৰ এটা বিশাল নাম ।
এই বিশালতাৰ মাজতেই লুকাই আছে মৰম, শ্ৰদ্ধা, অভিমান আৰু কেতিয়াবা কাৰুবাৰ হয়তো অনুভৱত ভাল লগা এজাউৰি খং ।
দেউতাৰ ত্যাগ আৰু ভালপোৱা আদিৰ আকাশ চুব খোজা পৰিধি প্ৰতিজন সন্তানৰ বাবে কিমান অতুলনিয় তাক কৈ শেষ কৰিব নোৱাৰি ।
কৃতজ্ঞতা বোধ প্ৰতিজন আদৰ্শবান মানুহৰ এটা স্বাভাৱিক লক্ষণ । য'দিওবা এই কৃতজ্ঞতাৰ প্ৰকাশ পিতৃ-মাতৃৰ ক্ষেত্ৰত জয়-ঢোল কোবাই নকৰিলেও হয় তথাপি বছৰেকৰ এটা দিন বিশ্বই প্ৰতি জন পিতৃৰ নামত পালন কৰি এটা সামাজিক আত্ম তুষ্টি লাভ কৰে ।
এই প্ৰবন্ধত আহক, আমি ''পিতৃ দিৱস'' কেতিয়া আৰু কেনেকৈ আৰম্ভ হ'ল সেই বিষয়ে আলোচনা কৰোঁ ।
''পিতৃ দিৱস'' নামৰ আজিৰ এই দিৱসটো আমাৰ ভাৰতীয় সংস্কৃতি মূলীয় নহয় । আমেৰিকা যুক্তৰাষ্ট্ৰত সৃষ্টি হৈ এই দিৱসটো সংস্কৃতিৰ প্ৰৱাহমান নৈত উপঙি বিশ্বৰ বিভিন্ন ৰাষ্ট্ৰত বিয়পি পৰাৰ লগতে ভাৰততো আহি প্ৰ্ৱেশ কৰে ।
''পিতৃ দিৱস'' উদ্যাপনৰ আৰমম্ভণিৰ আঁৰত লুকাই আছে চ'ন'ৰা লুইচ্ নামে এগৰাকী আমেৰিকান মহিলাৰ নাম (সম্পূৰ্ণ নাম Sonora Louise Smart Dodd ) । পিতৃৰ নাম উইলিয়াম জেকচ্ন ।
কোনো এটা বছৰৰ ‘‘মাতৃ দিৱস’’ত গীৰ্জা ঘৰত আয়োজন কৰা এক সম্বৰ্ধনা অনুষ্ঠানত চ’ন’ৰা উপষ্ঠিত আছিল । হঠাতে তেওঁৰ মনলৈ আহিল যে পিতৃ সকলেও এই সম্বৰ্ধনা পোৱা উচিত ।
কথাটো তেওঁ গীৰ্জাক অৱগত কৰিলে আৰু প্ৰতি বছৰৰ জুন মাহৰ তৃতীয় দেওবাৰটোক পিতৃ সকলৰ নামত উদ্যাপন কৰি তেখেত সকলকো সামাজিক ভাৱে সন্বৰ্ধনা জনাবলৈ গীৰ্জাক বিনম্ৰ আৱেদন জনালে ।
চ’ন’ৰাৰ এই আৱেদনক গীৰ্জাই গ্ৰহণ কৰিলে । সামাজিক ভাৱেও চ’ন’ৰাৰ চিন্তাক সকলোৱে প্ৰশংসা কৰিলে । ওৱাচিংটনৰ গৱৰ্নৰে এই দিৱসটোৰ কথা ৰাজহুৱা ভাৱে প্ৰচাৰো কৰি দিলে ।
অৱশ্যে, দিৱসটো আমেৰিকা যুক্তৰাষ্ট্ৰ্ত প্ৰসাৰ হবলৈ কেইটামান বছৰ অপক্ষা কৰিব লগা হ’ল ।
চনত আমেৰিকা যুক্তৰাষ্ট্ৰই এই দিনটোক এক ৰাষ্ট্ৰীয় স্বীকৃতি প্ৰদান কৰে ।
প্ৰতি গৰাকী পিতৃৰ প্ৰতি শ্ৰদ্ধা জনালোঁ ।
‘‘পিতৃ দিৱস’’ৰ শুভকামনাৰে .............................
🙏 ফেচবুক জ্ঞান সম্ভাৰ 🙏
No comments:
Post a Comment