অসম সাহিত্য সভাৰ প্ৰথম সভাপতিজন

অসম টেট ২০১৯ ৰ বাবে প্ৰাসঙ্গিক 

📎

অসম সাহিত্য সভাৰ প্ৰথম সভাপতিজন

-----------------------------------------------------

      

অসমীয়া সাহিত্যৰ বিপৰ্যয়ৰ পাছত ভাষাটোক পুনৰ ঠন ধৰাবলৈ কৰা কৃচ্ছ্ৰ সাধনাত লক্ষ্মীনাথ বেজবৰুৱা দেৱ বা ত্ৰি-মূৰ্ত্তি আৰু অন্যান্য সকলৰ যেনেকৈ ত্যাগ আছে তেনেকৈয়ে ত্যাগ আছে সেই সময়ৰ পদ্মনাথ গোহাঞিবৰুৱা , বেণুধৰ ৰাজখোৱা আদি মহান অসমীয়া সকলৰ ।
কবলৈ গ'লে দুটা ফৈদ, এটাত ত্ৰি-মূৰ্তি আৰু আনফালে পদ্মনাথ গোহাঞিবৰুৱা, বেণুধৰ ৰাজখোৱা আদি সকল ।

             দুয়ো দলৰ মাজত সাহিত্যক লৈ সৃষ্টিৰ প্ৰতিযোগিতা । মহান পুৰুষৰ যেনেকৈ চিন্তা মহৎ তেনেকৈ কামো মহৎ । প্ৰতিযোগিতাৰ চিন্তা আহিলেই আজিকালি  নপতা ফুকন এমখাই কৰা খোৱা-কামোৰা তেখেত সকলৰ মাজত নাই । সৃষ্টিৰ বাবে কলমেৰে কথা কৈ তেখেত সকলৰ এজনৰ পাছত আনজনে কাম কৰি দেখুৱাই  ।
তাৰে পৰিণতিত ৰাজহাড়তে দুখ পোৱা ভাষাটোৱে যেনিবা উপযুক্ত পৰিপুষ্টি লাভ কৰি কোনোমতে ঠিয় হ'বলৈ চেষ্টা কৰিছিল ।
সিসকলৰ সৃষ্টিশীল প্ৰতিযোগিতাত এফালে যদি "জোনাকী"-য়ে পোহৰালে আনফালে আকৌ "বিজুলী"-য়ে সাহিত্যৰ পথাৰৰ কৃষক সকললৈ লৈ আনিলে এমুঠি আশাৰ বতৰা ।
এফালে যদি বাঁহীৰ সুৰে সকলোকে বিমুগ্ধ কৰিলে তেনেকৈয়ে আকৌ "ঊষা"-য়ো সমাগত পোহৰে এটা উজ্বল দিনৰ সংকেত লৈ আনিলে ।
তেনেকৈয়ে এজনাৰ লিটিকাই-ৰ জৰিয়তে নহঁহা মানুহক হাঁহিবলৈ বাধ্য কৰোৱাৰ বিপৰীতে আনজনে ঘটালে টেটোন তামুলী-ৰ আগমন । আজিও অসমীয়া ৰাইজৰ মুখত টেটোন তামুলী-ৰ নাম বৰকৈ শুনা যায় ।
পণ্ডিত লোকৰ কিমান এটা সুস্থ আৰু সুন্দৰ প্ৰতিযোগিতা !

       এটা কথা বুজি নাপাওঁ , আমি বেজবৰুৱাদেৱৰ নামত এটা দিন পালন কৰো বা তেখেতক লৈ আমি যিদৰে চিন্তা-চৰ্চা কৰোঁ তাৰ বিপৰীতে বাৰু গোহাঞিবৰুৱাক কৰোনে ?
যদি নকৰো তেন্তে কিয় ?
আমাৰ ভুল নহয়নে বাৰু ?

        নৱেম্বৰ মাহ, ১৮৭১ চনত উত্তৰ লক্ষীমপুৰত জন্ম হৈছিল অসমীয়া সাহিত্যৰ আন এগৰাকী মহান সেৱক পদ্মনাথ গোহাঞিবৰুৱা দেৱৰ । পিতৃ ঘিনাৰাম গোহাঞিবৰুৱা আৰু মাতৃ লম্ভীদেৱী ।
অসমীয়া সাহিত্যৰ বিপদৰ কালত সাহিত্য চৰ্চাৰে আমাক ধন্য কৰি যোৱা এইগৰাকী মহান অসমীয়া সাহিত্যিকক আমি ফেচবুক জ্ঞান সম্ভাৰ পৰিয়ালে পোনতে শ্ৰদ্ধাৰে স্মৰণ কৰিছো ।

         আঠ বছৰ বয়সতে উত্তৰ লক্ষীমপুৰৰ চহৰীয়া পঢ়াশালী-ত তেখেতে নাম লগায় । ১৮৯০ চনত এন্ট্ৰেন্স পৰীক্ষা পাছ কৰি কলিকতাৰ ৰিপণ কলেজত নাম ভৰ্তি কৰে আৰু তাত থকাৰ সময়তে প্ৰথমে বিজুলী আৰু ১৯০৭ চনত ঊষা সম্পাদনা কৰে ।
১৮৯৪ চনত লীলা নামে এগৰাকী ছোৱালীৰ পানী গ্ৰহণ কৰে ।
কলিকতাত থাকোতেই বিখ্যাত ভানুমতী উপন্যাস খণ্ড-খণ্ডকৈ প্ৰকাশ কৰে ।
তিনিকুৰীৰো অধিক কাল অসমীয়া সাহিত্যৰ বিভিন্ন দিশৰ লগতে পাঠ্য পুথি ৰচনা কৰি ভাষা-সাহিত্যৰ প্ৰতি অৱদান আগবঢ়োৱা এইগৰাকী মহান সাহিত্যিক আছিল ১৯১৭ চনত শিৱসাগৰত বহা অসম সাহিত্য সভাৰ প্ৰথমজন সভাপতি ।

তেখেতৰ ৰচিত গ্ৰন্থ সমূহ :

লাহৰী
গাওঁবুঢ়া (নাটক)
লীলা (কবিতা পুথি)
জয়মতী (নাটক)
জুৰণি (কবিতা)
গদাধৰ (নাটক)
ভানুমতী (উপন্যাস)
টেটোন তামুলী (নাটক)
সাধনী (নাটক)
লাচিত বৰফুকন (নাটক)
ভূত নে ভ্ৰম
শ্ৰীকৃষ্ণ (১ম খণ্ড)
শ্ৰীকৃষ্ণ (২ য় খণ্ড)
বাণ ৰজা (নাটক)
গীতাসাৰ
শ্ৰীকৃষ্ণ (অন্ত লীলা)
ফুলৰ চানেকি (কবিতা)
মোৰ সোঁৱৰণী (আত্মজীৱনী)

পাঠ্য পুথি :

আদি শিক্ষা (আদি, মাজ আৰু শেষ ছোৱা)
মহাৰাণী (ভিক্টোৰীয়া চৰিত)
নীতি শিক্ষা (আদি, মাজ আৰু শেষ ছোৱা)
সাহিত্য সংগ্ৰহ (সপ্তম, অষ্টম শ্ৰেণীৰ বাবে পাণীন্দ্ৰ নাথ গগৈৰ সতে যুটীয়া ভাবে সম্পাদিত । )
ভূগোল দৰ্পণ
বুৰঞ্জী বোধ
অসমৰ বুৰঞ্জী
জীৱনী সংগ্ৰহ
দেশী কছৰত (ব্যামৰ)
অসমীয়া শিক্ষা বিধি ( শিক্ষকৰ হাতপুথি)
হিন্দু বুৰঞ্জী বা ভাৰতবর্ষৰ চমু বুৰঞ্জী ।

এইগৰাকী সাহিত্যিকক পুনৰ শ্ৰদ্ধাৰে🙏

❇ এই লেখাৰ বাবে তথ্য আহৰণ কৰা হৈছে শ্ৰী গজেন্দ্ৰনাথ গোস্বামী দেৱৰ " পদ্মনাথ গোহাঞিবৰুৱা " নামৰ গ্ৰন্থখনৰ পৰা । লেখক গৰাকীক আমি কৃতজ্ঞতা জনাইছো । 🥀

🎤
ফেচবুকত আমাৰ ঠিকনা 📬
https://www.facebook.com/groups/372830512757409/

                    ফেচবুক জ্ঞান সম্ভাৰ

🔘🔹🔹🔹🔹🔹🔹🔴💠🔴🔹🔹🔹🔹🔹🔹🔘