Posts
✨কেলেণ্ডাৰৰ অংক-১✨
নেট কটা পৰীক্ষা আকৌ দিম বুলি ভবা সকলক কৈছো, হাতত যদি সময় আছে তেন্তে এই অংকটো শিকি যাব পাৰা । পাছত কিন্তু নক'বা ; ৰাজীৱদাই শিকায়েই নিদিলে বুলি ।
আজিকালিৰ প্ৰতিযোগিতামূলক পৰীক্ষাবোৰত কেলেণ্ডাৰৰ কোনো এটা অংক দিয়েই । তাৰে ভিতৰত কেলেণ্ডাৰ মিলোৱা প্ৰশ্নটোও অন্যতম অৰ্থাৎ, কোনো এটা বছৰৰ সতে আগন্তুক বা পূৰ্বৰ কোনখন কেলেণ্ডাৰ মিলিব বিচাৰিব লাগে ।
প্ৰশ্নটোৰ সমাধান একেবাৰেই সহজ য'দিও কৌশলটো নাজানিলে চিন্তাত মূৰৰ চুলি আধাখিনি সৰিব আৰু আধা তপাসকলে পৰীক্ষা ঘৰৰ বাহিৰলৈ আহি একপি চেলফি লোৱাৰ পৰত নিজকে যে নিচিনিব খাটাং 😀 !
সেয়ে কৈছো, নেট কটা পৰীক্ষা দিবা কিন্তু, তাৰ আগতে এই কৌশলটো শিকি থোৱা ।
যিকোনো এখন কেলেণ্ডাৰ কোন বছৰৰ সতে একে হ'ব জানিবলৈ এটা সৰু পদ্ধতি মনত ৰাখিব লাগিব । তাৰবাবে প্ৰথমে যিটো চনৰ লগতে মিলাব দিয়ে সেই চনটোক ৪ ৰে বিভাজ্য কৰিব লাগে । হৰণ কৰাৰ পাছত যদি ১ বাকী তাকে তেন্তে চনটোৰ সতে ৬ যোগ দিব, ২ বা ৩ বাকী থাকিলে চনটোৰ লগত ১১ যোগ দিব আৰু একো বাকী নাথাকিলে ২৮ যোগ দিলে আহি থকা কোন বছৰৰ সতে আপুনি লোৱা বছৰটোৰ কেলেণ্ডাৰখন মিলিব জানিব পাৰিব ।
যদিহে পুৰণি কেলেণ্ডাৰৰ সতে ৰিজাব লগা হয় তেনেহ'লে প্ৰক্ৰিয়াটো যোগ নকৰি বিয়োগ কৰিব লাগে ।
উদাহৰণ হিচাপে আমি যদি ২০২৪ বৰ্ষটোকে ধৰো আৰু ২০২৪ কেলেণ্ডাৰখন ভৱিষ্যতলৈ কোনখনে কেলেণ্ডাৰৰ লগত মিলিব সেয়া জানিব বিচাৰো তাৰ বাবে প্ৰথমে ২০২৪ ক ৪ৰে বিভাজ্য কৰিম । ২০২৪-ক চাৰিৰে সম্পূৰ্ণ হৰণ যায় আৰু বাকী একো নাথাকে । গতিকে ওপৰৰ নিয়ম মতে হ'ব ২০২৪ + ২৮ = ২০৫২ চন ।
আকৌ যদি ২০২৪ পুৰণি কেলেণ্ডাৰ কোনখনৰ সতে মিলিচে জানিব লগা হয় তেন্তে ২০২৪ ৰ পৰা আমি ২৮ বিয়োগ দিম । অৰ্থাৎ, ২০২৪ - ২৮ = ১৯৯৬ চন ।
এটা সুন্দৰ কৌশল নহয়নে ? মতামত জনাব ।
ধন্যবাদ,
শুভৰাত্ৰি
☼ আমাৰ ফেচবুক ঠিকনা 📬
✉ https://www.facebook.com/groups/372830512757409/
আমাৰ📧 facebookgyansambhar@gmail.com
◀🔸🔸🔸🔴🔹🔹🔹▶
